連續3場《this is ROCK & ROLL LIVE IN HK》前晚圓滿結束，早前黃貫中（Paul）笑言要跟棒棒堂學咪嘴，結果被棒迷炸Blog，連剛與他修好的家強亦看不過眼，前晚唱罷寸爆偶像歌星咪嘴的《醒你》後，笑言此歌要送給「喜歡食糖的人」，弦外之音明顯不過！慶功宴上，家強笑說：「我梗撐佢（Paul），唔通撐……糖呀？不過我講糖，唔係堂，唔好對號入座喎！」Paul即叮囑家強小心網誌被炸，又指飛輪海及F4成功一定有值得學習的地方，不過說罷又扮死：「鵪鶉咗啦！」家強笑問：「收咗皮？」Paul答完「收皮」又說：「3年後仲喺度先講啦！」揶揄棒棒堂紅不過3年，嚇得家強即叫「Cut」，但Paul仍懶理：「我畀人插慣啦！」

朱茵High到起身跳舞，為台上的愛郎打氣。	家強嫂Makiko遭趕回座位，相當冇癮！	慶功宴上，Paul（左）與黃家強齊齊切蛋糕。

齊向另一半傳情

前晚演出氣氛熱烈，甫開騷歌迷便擁到台前，保安即驅趕他們返回座位，連家強太太Makiko亦慘遭驅趕，相反「Paul嫂」朱茵仍可企正台前為愛郎打氣，二人更不時眉目傳情！不過家強亦不輸蝕，在台上公然向太太示愛：「I want to thank to my wife, I love you！」個唱尾聲，二人叫歌迷走到台前，更向保安擔保大家不會製造混亂，稍有差池他們便要坐監！

另外，家駒生前曾到非洲探訪孤兒院，該院的20名孤兒近日來港交流，前日更到紅館探家強及Paul班，並以廣東話在他們及陳奕迅面前唱出《Amani》，場面感人！