賭王何鴻燊女兒何超盈，昨日與弟弟猷君出席Pergiot的環保袋活動，對於吸煙照曝光，超盈即提醒弟弟：「你都聽吓啦！我有氣管炎唔食得，出嚟玩個個都拎住支煙扮食，以前覺得好型，但依家覺得好傻！我覺得唔公平，我已經冇再去蘭桂坊，但仲畀人攞啲舊相出嚟！」
超盈坦言聽男友話才戒煙戒酒，並首度公開拍拖半年：「男友叫Greg，今年22歲，喺英國讀室內設計，依家幫媽咪（四太梁安琪）公司打暑期工，要睇凱旋門項目嘅則，我估冇人工。（佢值幾多分？）100分！（結婚對象？）問過父母先，Daddy好鍾意佢！」她表示將會在德國銀行做暑期工。對於三太長女超雲擇偶條件高，超盈說：「佢想我介紹男仔畀佢識！」
