陳偉霆（William）前晚與狄易達為拉闊音樂會綵排時透露，已送門票給緋聞女友Angelababy，但未知對方有否時間捧場，其母亦主動向他索門票，但因數量有限，故只能給予母親少量，William笑說：「佢爭啲想郁我！」至於狄易達亦不輸蝕，自爆已問人借來「Baby」撐場，但因要保持神秘而不能透露，身旁的William即說：「係咪Lavina（鍾蕙芝）？」在場人士即嘩聲四起，William說：「呢排打開報紙都見到佢（Lavina），其他唔識，淨係識佢！（唔怕Baby呷醋？）唔會！提吓啫！」
另一邊廂，農夫及艾粒亦為音樂會綵排，他們透露將認真地唱歌，並自爆有八位靚女舞蹈員伴舞。對於鄧麗欣新書錯字百出，少爺占說：「真係錯得恐怖，可能係校對問題，不過佢咁忙都寫書，證明冇請槍，值得鼓勵！」