周柏豪

好慘呀！我發咗短訊畀佢，叫佢小心啲，需要幫手就出聲，亦好支持佢報警，真係榜樣！如果我喺度會保護佢，幫佢頂！

薛家燕

好欣賞鄭融勇於嗌出聲，因為好多女仔有事都唔敢張揚。個狂徒真係好錯，應該聽吓我首《弟子規》啦！唔好有色情思想！

王菀之

我會打電話慰問鄭融，希望佢冇事，不過做藝人真係冇得擔心咁多。（學防狼術？）張敬軒喺度咪防狼囉！佢學緊詠春！

吳雨霏

Send咗短訊問候鄭融，佢話今日好啲，希望佢心情快啲好番，佢講件事出嚟好啱。我上星期去內地做騷，都有個男Fans叉手喺我胸前，好在冇掂到！

MC Jin

有啲人好狼，做藝人要小心啲，有時場面太大，唔知有咩人，雖然我唔算正人君子，見到靚女都會話「嘩！正！」，但唔應該專登去睇或者行埋啲。

謝天華

鄭融報警做得啱！突如其來嘅鹹豬手防不勝防，唔能夠怪保安，尤其係夏天，女藝人着得清爽，令男人做出不當、犯法嘅行為，惟有打醒十二分精神。