曾居住西貢的張家輝，遇上麻煩事均得成奎安（大傻）出手相助解圍，二人因而成為莫逆之交。剛由韓國返港的家輝，前日即為新片《旺角監獄》開工，連踩十多小時已很疲累，但他仍於晚上約七時，與一名年約十歲的男孩現身浸會醫院，他先帶小童往餐廳食飯，其後再上病房，逗留至深夜仍未離開。據知，該男童疑是成奎安的二仔。
昨日家輝得知被發現行蹤，即大感愕然，一改平日對答如流的作風，停頓良久才說：「你講乜話？（你去醫院？）唔……（我哋影到相。）我只可以話畀你聽，當時我係去咗醫院探一個朋友。（成奎安？）我從來冇講過我去探邊個，我只係話去探朋友啫！其他嘢唔方便回應。」
