今年書展最受注目的o靚模噴血寫真集，銷情戰況激烈，宣傳招數備受爭議，32D周秀娜（Chrissie）派雪糕造勢、Kama贈奶谷書及椋名凜派荳奶等搞宣傳，各出奇謀！今日書展結束，但戰事並未完結，小休兩日後，將在會展舉行的《2009第十一屆香港動漫電玩節》再度重燃！動漫節傳統以Cosplay造型玩誇張性感，大會不會如書展般禁止出席者衣着性感，加上沒有書展的道德包袱，o靚模可以盡情打扮，性感無極限，令動漫節更具睇頭！
在寫真集內大玩滴雪糕及牙膏而人氣急升的Chrissie，2萬2千本寫真集在書展火速售罄，加印版和特別版預購亦大受歡迎，將於動漫節開售再發功。據知，她已秘密製作Q版雪糕和牙刷電話繩搞噱頭，而其死敵「o靚界女神」Baby的寫真集加印至3萬本在書展售罄，現已火速加印準備在動漫節推出，但她不會到場以避正面交鋒。其實Chrissie除了在動漫節發功外，最近她以可愛「小雲」造型為體育用品店馬拉松&Catalog拍廣告，更刻意收起性感又強調自己是「模特兒」，似要與o靚模之名劃清界線，建立健康形象！
Kama搶飯碗講風涼話
在書展中Baby成銷量冠軍、Chrissie第二位，第三位的Kama取代Janice Man擔任人氣Game王「天龍八部」代言人，穿上性感露臍水手服，以故事中鍾靈的造型拍照，雖然她再三否認搶Janice飯碗，但卻風騷地說：「唔好話搶飯碗，廣告商想換吓人，搞啲新鮮啫！（六位數字酬勞？）實數唔講，總之滿意！不過件水手服好似縮咗水咁，好得意囉！」
至於Chrissie小師妹「八模兵團」寫真集在書展銷情理想，當中人氣最旺的A.Lin最近跟隨師姐接拍「詩琳」美胸修身廣告，拍攝當日四人服侍，廣告商老闆亦來監場。她笑言酬勞滿意，最驚喜是上圍由B變C。動漫節期間，她將聯同其餘七姊妹推出咕
及潮Tee等產品為寫真集搶客，更以「人海戰術」踩場造勢，硬撼由大會委任的「動漫女郎」36D趙碩之、戴夢夢及Melody。