小小So明白做藝人當然會好緊張自己個樣，最怕就係畀人影到啲醜態，真係臭史千年記㗎嘛！香港藝人都仲算可以，唔係太過姿整，不過啲台灣幫就認真誇張，嚟做一次宣傳就帶成十幾個工作人員，我小小So都聽唔少攝影記者對住佢哋都嗌晒救命！好似簡簡單單影個專訪咁吖，影兩、三張個髮型師就衝入鏡幫佢整一條半條頭髮仔，再準備影幾張嗰陣，化妝師又嗌暫停要印汗、要補妝，仲要張張都畀佢啲工作人員過目先，明明影半個鐘頭相，最終畀佢哋搞到一個鐘都未搞掂。
小小So仲聽講話佢哋身邊啲工作人員，塊面黑到好似爭佢幾百萬咁嘅樣，限制攝記講緊嘢唔影得，食緊嘢唔影得，飲水又唔影得，總之唔容許你有一絲機會影到佢醜態，連記者同佢哋影張合照都
哦哦，講明唔准放上網，認真巴閉！