陳楚喬（Carolyn）自小迷上鋼琴，至今已練得一手很好的鋼琴技術，已達到演奏級的造詣，她說：「我五歲時爸爸買咗個鋼琴畀我玩，我就只係當小朋友玩具咁愛不釋手，日日對住佢係咁亂彈。所以爸爸就搵咗個專人教我，一學就學到中學，因為咁我對音樂好有興趣。之後去咗澳洲讀書都揀咗澳洲悉尼音樂學院修讀音樂系，鋼琴都冇離開過我，依家已經有演奏級。」
Carolyn與鋼琴結下不解緣，成長過程在鋼琴陪伴下一起長大，現在亦不離手視作興趣，她說：「我好鍾意聽到啲時代流行曲後，就加入自己嘅喜好將個編曲改咗，用自己嘅方法彈番出嚟，個感覺好唔同，好好玩。」同時Carolyn擅於作曲，亦曾將作品參加創作比賽，問到會否將作品加入個人的專輯內，她謙虛地表示未是時候：「因為我讀書時偏重古典音樂，我要時間去將現代音樂融合，唔想自己專輯嘅作品偏重咗喺某一方面。」
