陳樂榣前晚出席蘭桂坊的啤酒小姐選舉活動,對於有指o靚模牽涉賣淫風波並不意外︰「我有聽過,依家邊有咁多飯局,個個都想釣金龜識富商。以前做模特兒都有人問我做唔做,依家都有,有人話畀十萬我去上海兩日一夜,我唔做,畀三億我都過唔到自己嗰關。娛樂圈都有黑暗面,後生女錯一次好難喺呢行立足,做咗實畀人知,如果唔想做,收到呢啲電話都快啲收線,點知會唔會畀人錄音?」活動後,她往買雪糕解暑,期間有男士上前要求合照,友善的她來者不拒。
至於o靚模顏后君出席新港城中心玩具展時表示,由於照片也有出現在o靚模賣淫的報道內,結果收到不少問價電話︰「我知有人做呢啲嘢,但我冇做,希望有做嘅女仔可以潔身自愛。」