鍾蕙芝最近捲入三角風波，與坐擁六千萬豪宅、十部Supercar的衣架大王之子劉德俊傳緋聞後，一名自稱是William女友兼o靚模的Fiona Woo發聲明表示，懷有與William的五個月身孕，以「正印」身份擊退情敵。事後William為向女友派定心丸，強調與Lavina撐枱腳只為傾公事，完全沒有追求之意。

Lavina昨日繼續否認是第三者，但對「傾公事」卻有另一番見解，她說：「唔知點解佢（William）咁講？但我哋見面全部傾私人嘢！唔關公事喎！唔知佢有冇約Admond（經理人）第二日去傾呢？（係咪有人講大話？）唔知，唔想愈描愈黑，但可能佢壓力好大，如果影響到佢嘅私生活，我都想講番句『唔好意思。』」

否認放料

對於被質疑「放料」造新聞，Lavina呼冤：「一定冇，呢排成日畀人跟，我都有同佢解釋過，連累佢上鏡，當時佢話明白。」Lavina經理人Admond力證William從來沒有聯絡過他傾談有關Lavina的工作問題。

William昨日在電話中沒好氣地說：「我同佢真係傾公事㗎喎……但唔緊要，我之前已發聲明講清楚，唔想再糾纏落去，屋企人同識我嘅人都相信我，總之祝佢工作順利。」

記者昨日發現William確是相識滿天下，Facebook上認識九百多個朋友，當中包括Lavina、周秀娜、「翻版阿Sa」周凱盈等模特兒朋友。另外，Fiona昨日更新其Blog，指自己從前比現在單純，同時也比現在容易開心，她認為是一件好事，而她在Blog中也有William、周秀娜等合照。

秘探書展

此外，Lavina前晚秘密到書展睇書，但封胸後的她似乎沒有太多人認得，反而是擔心被人博懵，人多時候不時用手護胸。期間Lavina走到同樣擁有E Cup身材的周秀娜寫真集架前，未知是否曾傳不和，Lavina眼尾望了一眼便掉頭走，寧願駐足睇英文雜誌，可惜見到價錢昂貴，沒有幫襯便離開。