才子王貽興早前出席書展的簽書會時，曾一度以寒底為由，明寸周秀娜當街派雪糕，昨日他再度為新書舉行簽名會，期間又再連環寸爆Theresa及周秀娜。雖然其簽名會時段與周秀娜打對台，但排隊人龍並不輸蝕給周秀娜，他更揚言自己是「寒底」不吃雪糕，故不打算與周秀娜打招呼。期間他主動向記者了解Theresa言論：「如果寫書唔係寫自己真實嘅事就毫無意義」他說：「如果佢真係咁講，我覺得嚴重過寫錯字，如果係咁攞諾貝爾文學獎咪大件事，咁科幻同武俠小說全部創作、係虛構，照佢所講咪冇晒所謂『創作』！」

Theresa因失言而慘成箭靶。	Stephy的新書因錯字連篇而飽受抨擊。	王貽興怒轟Theresa的言論比寫錯字更可悲。

籲公開愛情騙子

當記者指Theresa可能只是性格坦白時，他卻暗寸「愛情騙子」一事：「坦白咁又唔開名嘅，坦白應講晒出嚟！」他續說：「寫作梗係有真有假，一個人只係寫事實，呢個人好悲哀，因為佢冇更強想像力去寫作，仲嚴重過寫錯字呢！」至於林一峰昨日在新書簽名會上則力撐Stephy，更自嘲經常寫錯字，而校對亦有責任，不應只怪罪作者，他又大讚Stephy唱歌冇懶音。

王貽興的書迷不但年齡層廣泛，而且排隊人數不遜於性感女神周秀娜。	未有獲邀做嘉賓的傅穎，只能與Rubber Band齊齊坐定做觀眾。	Stephy的《陪著我走》與Theresa的《我會快樂的》決戰文壇。