前晚Ana R.與蔣怡出席活動，對於嫩模熱潮，她語帶諷刺地說︰「唔覺得佢哋係模特兒，周秀娜同Kama係細路女，唔應該影For Man嘅寫真集，淨係識騷身材，佢哋好細個，影呢啲相大得太快！如果第日我個女係咁，會送佢去修道院！邊有家長想見個女咁樣？又滴雪糕又滴牙膏，佢哋淨係睇到眼前，冇諗將來，16歲騷胸，20歲點算？（佢哋賺到錢？）賺得幾多，畀心機讀完大學，可能賺得仲多，唔一定騷身材。」
而出席Fabriano新店開幕的汪圓圓亦不屑嫩模作風︰「我唔係男仔，冇留意亦冇興趣睇寫真，有啲相只影個胸，好古怪，我唔會咁做，如果小朋友睇到可能誤會。」Rosemary卻讚嫩模的宣傳手法好，力撐她們拍寫真︰「身材靚點解唔可以影？最緊要意識健康。」沒空拍拖的她活動後與三男到蘭桂坊夜蒲，玩得相當開心！
