文：外娛組

上周四，白靈被目睹與60歲的「阿爺級」Lionel到加州聖巴巴拉一餐廳煙韌撐枱腳，舉止親暱，目擊者說：「Lionel不停撫摸佢個玉背，又坐得好埋，睇嚟好似燭光晚餐，雖然佢哋嚟同走時都各自揸車，但好明顯係約會！」

Blog晒三點式照片

縱然兩人行動低調，但全晚打情罵俏，細聲講大聲笑，儼如一對熱戀中的情侶。早前，白靈聲言很想出碟，今次聚會是情侶約會，還是雙方合作前先行熟落就不得而知，不過白靈早有荷里活男星的「案底」，歌手Chris Isaak、Nick Carter和米奇洛基都先後中招。若她真的與比她年長18年的Lionel修成正果，Lionel的養女Nicole分分鐘要叫聲白靈做媽咪。

前日穿上「囍」字肚兜食飯的白靈，日前則在網誌用中、英文寫詩悼念米高積遜，她大讚米高令她相信奇迹，又將多款三點式曬日光浴的照片放上網公諸同好。