文、攝：追蹤組

嫩版黃宗澤駕駛法拉利閃人(右圖)，留下Lavina獨自乘的士離開。

放大圖片

憑34E巨胸上位的廚房妹的鍾蕙芝（Lavina），因父親早年病逝，加上母親的膝蓋生腫瘤致行動不便，一家曾靠綜援過活，同住柴灣漁灣邨公屋。

前晚9時許，記者在酒吧林立的鯉景灣發現，身穿藍色小背心配外套及白色超短熱褲的Lavina，與一名二十多歲、貌似黃宗澤的男友人在附近一間酒吧餐廳撐枱腳。期間二人有說有笑，Lavina被男方冧到甜笑，加上餐廳位置對海，他們坐近門口不時吹吹海風，氣氛浪漫。

相識僅一周

飯後，二人邊歎檸檬茶邊談心，當Lavina發現有記者拍照，來不及反應一度低頭，甚至隨手拿起枱上的雜誌掩面傻笑。此時，「嫩版黃宗澤」即匆匆埋單，極速駕駛其價值約二百萬元的舊款白色法拉利離開，被丟低的Lavina則獨自乘的士閃人。至於男伴駕駛的法拉利，則由一間塑膠衣架廠登記。

事後記者致電Lavina，她否認與「嫩版黃宗澤」拍拖：「我哋識咗一個禮拜。（佢係咪有錢仔？）做朋友嘅，唔知佢有冇錢。（追緊你？）普通朋友啫！我都有好多男男女女嘅朋友。」