今屆書展禁止藝人到攤位簽名及宣傳，但椋名凜（Rin）昨日竟到賣書攤位巡視，而蔣欣妍（Taiz）更「偷雞」在攤位內簽名，完全漠視禁令。
貿易發展局為免藝人到書展會引起混亂，故在今屆書展加設劃分模簽名區、禁止藝人到攤位簽名及宣傳等新例，但Taiz及Rin昨日竟然違例到攤位造勢。
身穿紫色低胸連身裙的Taiz更違規在攤位簽名，問到知否藝人不能在攤位簽名時，她卻誤以為記者是指反o靚模入侵書展事件，她說：「我同佢哋唔同，我係高貴嘅！」經記者解釋違規一事後，她說：「我第一次嚟書展，唔知道犯規！」據知其簽名會原定上星期日舉行，但因颱風而取消，因此來不及向貿發局申請，故要到攤位內「偷雞」進行。
HotCha造訪釀混亂
至於椋名凜昨日以制服誘惑現身寫真攤位：「我唔係舉行簽名會，只係去個攤位度行吓！（收起性感？）都係，因為知道大會唔畀咁性感！（覺唔覺佢哋歧視藝人？）都唔會，因為我都唔係主攻性感！」
此外，HotCha到會場參觀時，吸引二百名歌迷撐場，造成混亂，令活動舉行約半個小時便被迫腰斬，唱片公司事後解釋：「其實佢哋都未睇過自己本書，又唔知啲擺位，所以先嚟睇吓，佢哋又冇簽名，所以都唔算咩造勢！而且我哋都收唔到貿發局嘅電話投訴！」第三次出寫真的HotCha坦言年紀漸大，故今年應該是最後一次出寫真。
貿發局冇接獲投訴
對於有藝人違規在攤位內簽名，貿發局的發言人張先生說：「藝人喺攤位度簽名係違規，如果調查屬實，初犯我哋會口頭警告參展商，再犯就會中止合約！不過我哋暫時未收到投訴！」
蔣欣妍《Deep V》 玩真空
售價：$98
賣點：大玩真空誘惑，並穿上多款性感內衣及超Deep V晚裝大騷D Cup身材。
HotCha《3x39嵖》 多元化
售價：$78
賣點：充滿陽光氣息及少女味，並於寫真分享星座及煮食等小資訊。
椋名凜《KISS》 冇賣點
售價：$39.9
賣點：只有20張Postcard，大部分照片比平時更保守，缺乏賣點。