同門宿敵Stephy跟Theresa一向口和心不和，書展前夕更傳出公司偏幫Stephy排斥Theresa，火藥味愈吹愈烈。昨日書展開幕，Stephy率先於早上11時舉行簽名會，穿上黑色露肩裝的她為歌迷簽名，Theresa的簽名會緊接Stephy後，兩人正面交鋒，均有約400名Fans撐場，Stephy的Fans舉燈牌兼送花嗌足10分鐘，至於Theresa的歌迷則大聲叫囂兼打鑼打鼓，氣勢更勁！合照時雖然笑笑口，但企到離行離列，全程零交流，期間Theresa還指揮Stephy望鏡頭，但一直沒有交談，予人交戲感覺。

Theresa獲大批Fans力撐，一直十分風騷。	Stephy獲大批粉絲壯聲勢。	Theresa其後又突然落淚

打底褲着足兩年

完成簽名會後，Theresa突然當眾落淚，跟去年吹起的怪風一樣離奇！她解釋說：「好感動，其實今年喺我身上出現唔同類型嘅新聞，但Fans一樣咁支持我。」她又笑稱正穿着跟去年同一條打底褲，並相信不會再有怪風出現。

放大圖片	Theresa(左圖)與Stephy分別與Fans交流及拍照。

Theresa書中兩篇提及愛情騙子的文章，形容得相當空泛，有傳當事人是方力申，Theresa說：「我一早喺Blog度講過唔係公司嘅人，我冇需要講大話，亦唔打算公開。」她表示跟Stephy交換新書的事，早於六月由公司安排，踢爆Stephy早前稱「未知時間」之說。

Fans網上掀罵戰

Stephy亦撐緋聞男友小方非愛情騙子：「個古仔係大家幻想出嚟，為我哋做宣傳啫！等我拎本書返去研究吓。」問到是否跟Theresa聯手對付模？Stephy說：「冇刻意咁做，大家同公司，啲書賣得就幫到公司，又令個書展熱鬧啲。」另外，兩人的Fans在網上為偶像造勢，在討論區竟同時出現「Stephy大勝Theresa」及「Theresa大勝Stephy」的話題，雙方Fans均指其偶像最受歡迎，更勁踩對方！

鄧麗欣《陪著我走》破色戒　

售價：$100

賣點：罕有賣性感，穿三點式拍照，玩濕身誘惑同時又有清純Look，其中一個橙色短假髮造型頗特別，可是另一個「道姑頭」Look則較騎呢。文字方面，以日記方式讓大家了解其生活點滴。

傅穎《我會快樂的》晒畫功

售價：$68

賣點：賣感性，和讀者分享愛情觀及更大談情傷經歷，又深入地談及早前受走音事件困擾的心情。最大特色是插圖出自其手筆，畫功不俗。