當Chrissie首日入侵書展，勁敵尹蓁晞（Yumi）和Melody不滿被大會隔離簽名區，昨日在會展附近天橋派扇，她們事先張揚於12時半現身，但遲到20分鐘，令Fans焗親！Yumi和Melody甫到場，近百名Fans蜂擁而上，雖然場面墟冚但寸步難行。有途人大罵「嘩！逃出生天！」、「火燭，唔該行開！」等，兩女在女助手陪同下，到橋底派扇。
期間數名警員到場了解，Yumi和Melody不覺得擾民：「唔會嘅，如果阻到人真係唔好意思，今日天氣熱，我哋想為大家解暑。」她們又對大會將o靚模隔離很不滿：「好唔開心，好唔滿意轉地方，本來有位簽名，但有反對聲音搞到冇得簽！（狙擊Chrissie？）唔係冇諗過搶風頭，各有各做，各有各靚！」對於有指o靚模賣淫，Yumi說：「有人話畀幾萬蚊我做佢女友。」Melody則說：「有人打電話叫我開個價，阿媽聽到後即刻鬧佢！」
與Chrissie同日舉行簽名會的曹卓榣及蕭希榆，被問到有否翻閱o靚模寫真集時，曹卓榣說：「睇佢哋啲寫真驚教壞細路，最接受唔到滴晒嘢嗰啲寫真，好過分！（指周秀娜？）冇講邊個。（得佢滴牙膏！）係咯！總之好過分！呢啲意識好不良。」但她力撐自己穿比堅尼到旺角宣傳有理：「想吸引多啲人注意嘛！今日一定尊重大會。」記者在其寫真發現疑似露暈，但她指是印刷問題。蕭希榆遲到15分鐘才現身，她澄清非刻意避Chrissie：「一早到咗，喺樓下同Fans簽名，我係新人，人少啲好正常。（Chrissie係新人？）佢出道一段時間！」
