圈中明星最愛搞Party，借啲意玩番晚，尤其係每年暑假，嗰班名人第二代返嚟蒲番夠本，衣着大膽又風騷，蘭桂坊晚晚衣香鬢影，不過亦成為採訪熱點，搞到蒲精避之則吉，夜蒲多年嘅陳小春就同小小So剖白轉到澳門同內地「發展」嘅苦衷！
小小So：小春，生日快樂喎！今年喺邊度搞Party？
小 春：澳門。
小小So：吓？專程過大海搞生日會，乜會好玩啲咩？
小 春：冇計啦！我7月生日，正值暑假，好多留學返嚟嘅名人第二代都鍾意喺呢啲日子湧晒出嚟蒲，雖然同佢哋玩都好開心，不過佢哋引咗好多記者嚟採訪。大家都知我火爆又易扯火，生日流流嗌交就唔好，所以我轉去第二度玩，避之則吉！
小小So：你怕啲名人第二代衣着性感太火辣，女朋友呷醋？
小 春：唔怕，因為我哋一齊玩，佢
到實！
小小So：澳門有私竇呀？
小 春：人哋打開門口做生意，唔係私竇。不過搭1個鐘頭船，同香港揸車時間同油錢差唔多，嗰度使錢又差唔多，最緊要係遊客多記者少，出得嚟蒲求開心，無謂傷和氣。如果返內地玩，開支仲平啲！
小小So：去蒲都要慳，果然係孤寒陳！