Fiona專心欣賞艾粒的Video，期間不時喪笑。

放大圖片

薛凱琪（Fiona）前晚以懷舊打扮出席I Love U Boyz（艾粒）的《艾粒1979金鑽影像播放會》，以烈燄紅唇搶鏡的她，大讚小肥的米高積遜造型浮誇，而艾粒戴長假髮及黐鬚現身，麥家瑜則穿上Tube Dress谷胸。

小肥以浮誇打扮模仿米高積遜，並大跳其傾斜舞步。	放大圖片	麥家瑜穿上Tube Dress谷胸亮相，十分搶鏡！

澄清非同志

日前何韻詩直認是同性戀者，曾被傳同樣是「叻女」的Fiona說：「如果自己係鍾意，公布都好正常，唔使遮掩！我都畀人傳過同性戀，唔覺係一回事。（咁你係咪？）我唔係。」她認為坦白是好事，還有感而發地說：「Artist承認拍拖仲舒服，唔使畀人猜測、追蹤。（拍拖會唔會公開？）我都想公開，公開咗唔使煩，日日拖手你哋都悶，都係跟一排，但要睇公司畀唔畀。Artist唔係個人職業，仲要考慮埋另一半。（入行後有冇拍拖？）私隱唔講，不過依家冇拍拖，其實Fans都叫我早日拍拖，搵個好男友，正常人冇可能冇愛情！」