由組合Cookies時代開始，鄧麗欣 （Stephy）與傅穎（Theresa）已開始鬥個你死我活，屢傳不和。剛巧兩人今年在書展分別推出愛情小說《陪著你走》與繪本散文集《我會快樂的》，雖然銷情有待揭盅，但今日兩個宿敵將同日同地舉行簽名會，勢作正面交鋒！

傅穎出招先贏民心，應有助今日與Stephy正面碰頭時添勝算。	傅穎自製食物探望通宵等候的歌迷，認真體貼！	傅穎送來食物外，還親手餵Fans「享用」，可謂贏盡風頭。

兩人昨晚開始連環出招，先是雙方Fans搶先霸頭位，其後Theresa更親自落場打氣， 可謂搶盡風頭！身穿特別為書展製作的T恤兼帶備自製菠蘿腸仔到會展門外，為約四十名一直霸頭位等簽名的Fans團打氣，她感動地說：「好感動，之前9號風球已經好擔心佢哋，仲打電話問佢哋有冇事！」她還親自餵Fans食腸仔，一班粉絲冧到震，並重複大叫：「Theresa、傅穎！」相對人數較少、只有寥寥十多人的Stephy團隊大為失色，全程鴉雀無聲，加上偶像未有現身，可謂得個「恨」字！Theresa透露將會自掏腰包加碼送T恤，由原定的一百件加多二百件，並在Blog內自拍包裝過程！

放大圖片	望着人哋偶像送暖，鄧麗欣的歌迷可謂百般滋味在心頭！	鄧麗欣與傅穎的新書各有賣點，誰勝誰負有待今日揭盅。 資料圖片

齊齊加時勢碰頭

由於今年書展實施新措施，每位出書的藝人「配給」限定的簽名時段，每小時只有二百個簽名籌。據知，金牌大風早已將較佳的12:00pm時段分給Stephy，而Theresa則緊隨在1:00pm舉行。第二招是昨日兩人鬥加簽名時段，據傅穎的寫真集攤位負責人表示，由於她的散文集反應熱烈，由已原定的一小時加至兩小時，另一方的Stephy當然不可以輸勢，緊接宣布加時，並提早在11:00am舉行，Theresa說：「我雖然喺一點先舉行簽名會，但公司同我講提早少少到場，冇所謂。」

此外，Stephy昨晚出席艾粒的新碟播放會，問到有網友質疑其象腿相被加工，她解釋：「冇睇，唔知網友抨擊邊張相，執相唔係唱片公司，係Art Director做！依家科技先進，網友都可以做好多嘢。」她直認讀書時因打排球令小腿肌肉發達，但自從食齋後身形已纖瘦不少，問到可介意執相？她說：「唔介意，應該畀最靚一面人睇，最緊要唔好誇張！」對於今日會與死敵Theresa碰頭，Stephy表示會互相交換新書，問到對方被陳輝虹暗寸遇騙子「幽靈」，她即笑說：「哈哈！佢講笑，想轉移視線，等我估到話畀大家知。」而陳輝虹則指冇需要刻意將兩人分隔。