隨着書展今日舉行，(口靚)模大激戰正式拉開戰幔，當中以(口靚)界女神Angelababy及Chrissie，鬥得難分難解。Chrissie在塞班島取景拍攝的處女寫真《Kissy Chrissie》充滿話題性，她在寫真集內不停騷胸擘髀，穿上三點式勁騷32D惹火身材，部分照片更只集中影巨胸，極盡誘惑！其中一張泳衣照，Chrissie趴在沙灘上，竟出現疑似露「暈」，不過其寫真集已送檢，相信應該沒有問題。另外，Chrissie的性感刷牙照及吃雪糕照亦掀起連串風波，近日又被指「墊大胸」，可謂是非一籮籮，已經大收宣傳之效！
除索爆泳照外，Chrissie瞓身「谷」到盡，身穿純白喱士內衣，躺在床上攬實心形咕
，誇張的鴕鳥蛋胸「動L」而出，她還擺出咬手指等誘人甫士爭銷量，務求令一眾雄性動物睇到噴血！
簽名場地被迫遷
而死敵Baby的寫真集《Miss Angelababy》，則以高格調及名牌Look迎戰，寫真集在巴黎取景，雖然沒有Chrissie的誇張身材，但勻稱的身段迷倒不少男士，她在寫真集內勁騷滑溜玉背和長腿，穿上Deep V泳衣及黑色Bra Top露纖腰擺出誘人甫士，其中一張張靚女照，Baby梳了類似柯德莉夏萍的經典髮型，充滿氣質，(口靚)界女神之位，絕非浪得虛名。而Baby昨日在apm的2%舉行寫真首賣日加簽名會，獲逾百Fans支持，早於活動開始前多個小時已有Fans排隊等候。Baby開心地說：「已經加咗籌，有咁多人支持好感動。（Kama去貝沙灣睇樓？）個個人唔同，我成日都要羨慕咪好唔得閒？（Chrissie本寫真畀人話意識不良？）唔識答！唔同類型嘅人會接受唔同嘅嘢，我就鍾意Fashion。（有冇佢咁嘅膽量影呢啲相？）應該唔會。」
另外，香港貿發局規限(口靚)模出席書展宣傳時衣着必須健康，Chrissie說：「我都係以靚為主，我不嬲出席公眾場合都係健康性感。」不過其所屬經理人公司則大感不滿：「無聊！使鬼佢教我哋着衫呀？」而寫真集簽名會將移師四樓舉行，惹來藝人及(口靚)模不受重視，Chrissie經理人公司說：「個場似鋪咗地氈嘅貨倉，逼嘅程度十足十汽水機入面嘅汽水。」貿發局臨時宣布派籌控制人流又再惹起誤會，有指Chrissie經理人原以為只獲100個籌，當獲悉其他藝人竟有多一倍的數目時，即致電出版商查詢，才知是誤會，不過Baby經理人Kim認為得200個籌不足夠。
肉感寫真Vs潮女寫真
姓 名：周秀娜（Chrissie）
年 齡：24
三 圍：32D、22、32
價 錢：原價$98、書展價$88
頁 數：66頁
出位招數：刷牙牙膏滴落心口及露暈疑雲，雖被指意識不良，但同時製造不少話題。
寫真賣點：塞班島靚景加超激性感比堅尼，惹人遐想。
姓 名：楊穎（Angelababy）
年 齡：20
三 圍：32A、23、34
價 錢：$128
出位招數：Deep V性感相外洩，惹來不少話題。
寫真賣點：專程到巴黎取景，製造「升呢」潮模Feel。