細細粒，原來真係容易上位！小小So幾日前搵麥玲玲睇相，玲玲話做人真係好睇條命水同運氣，真係冇樣睇！好似佢徒弟農夫嘅C君咁，佢話當年C君未出道，喺一本雜誌寫嘢，窮到戶口連一百蚊都冇，要同陸永玩銀行過數先夾到有一百蚊用，玲玲仲話：「嗰時連我司機都話佢哋好似畀原子彈炸過咁，點整都冇得紅！點知佢哋依家紅咗，仲問番我，叫我教佢哋投資！」
其實C君係一個細粒仔，玲玲師傅話今年旺輕啲、細粒同埋後生嘅人，所以細粒嘅人有着數，好似近排班(口靚)模，同埋王祖藍、小儀就係好好嘅例子，但師傅都話唔係好認得晒班妹妹仔，佢仲話：「太多！真係認唔晒！男人就可能認得到！」聽玲玲師傅咁講，我小小So真係唔好戴有色眼鏡睇班(口靚)模，應該認為佢哋紅到，唔係靠身材，而係因為唔夠高大。咁點解諸葛梓岐咁高大會紅呢？玲玲師傅話：「佢根本做唔做都得，仲隨時可以嫁！」