文：音樂組　攝：鄭家俊、吳文聰

Leon否認在頭場高唱《我這樣愛你》是送給女友樂基兒。

李彩華和男友王傲山一同睇騷。

前晚尾場個唱，Leon依舊「金句」不離口：「生活喺乜都有嘅世界裏面，你哋揀咗星期日嚟睇我，我亦毫無選擇咁同大家唱歌！」期間，Leon落樓梯時跣腳，幸沒跌低，他定一定神後笑說：「個天真係錫大家，我跣都係最後一日先跣！」Leon亦否認頭場高唱《我這樣愛你》是送給女友樂基兒，他說：「有呢首歌時都未識佢，我估寫嗰位記者係女仔，佢冇惡意，For Fun！」

雖然個唱剛完，但Leon已構思好下次個唱詳情：「希望明年可以開Part II，我會開四面台，同埋會開充滿印度濃厚色彩嘅演唱會！」Leon表示早前與《一百萬零一夜》三位小童星合作過，因而靈機一觸，他邊作狀跳印度舞邊說：「如果將《全日愛》呢首歌融入去應該幾搞笑！」

Janice Man被指「模Art」

Leon與雷頌德（Mark）在台上抵死重演黃栢高當年致電他們，要求他們將其電影配樂給予楊千嬅的《小城大事》一曲，Leon又大讚千嬅唱得好，台下的千嬅即站起來鞠躬致謝。

此外，擔任Leon個唱嘉賓的Janice Man接受訪問時表示，心情仍十分緊張，由錄音至排舞，均在十多日內完成，感覺十分得意，但她強調暫時只做好模特兒及電影的工作。問到Janice Man的表現如何？Leon說：「我都冇睇到，佢唔係歌手，只係試唔同嘢攞經驗，佢係『模Art』！」