A.勁囂歌手

「雖然我瘦蜢蜢冇乜幾両肉，但就係公認嘅唱得之人，我唔單止有緋聞女友，仲有個好靚仔嘅緋聞男友添！」

B.青靚奀仔

「我唔夠黑實又唔夠大隻，但勝在個樣可愛乖巧，好多女仔都好Buy我呢款文靜型男仔(口架)！男仔都可以有病態美(口架)嘛！」

C.寶島董事

「我雖然唔夠靚仔，但渾身音樂才華又識耍雙節棍同拍戲，紅遍台灣，不過成日畀人話我寸同扮Cool，其實我細個已經天生一副Cool樣(口架)喇！」

D.大眾仔仔

「我喺台灣靠拍劇走紅，依家都係主力拍劇，之前學人玩姊弟戀，分手收場兼瘦咗一圈，不過對眼依然係咁大，你冇理由唔認得我(口架)？」

E.派帖老公

「童星出身嘅我，細細個出嚟拍劇，仲同過好多明星合作添！依家大個咗我進軍樂壇，仲有個好唱得嘅老婆仔添！」

F.台劇帥哥

「身為台灣帥哥嘅我，最近喺香港演舞台劇，你冇理由唔知我係邊個(口架)？唔知點解我咁型，啲人都成日傳我係『斷背』，不過唔理人哋點講都好，我都係咁受女仔歡迎！」

G.龍的傳人

「我雖然係外國土生土長嘅ABC，但身為華人嘅我，都好熱衷中國文化，仲不時將佢融入我創作嘅歌曲度添！」

H.日本通

「人人都知我係日本通啦！我公司旗下都有好多日本藝人，其中日版Paris Hilton呢期仲好鬼Hit添！」

I.月球舞王

「大家話我係香港新一代舞王，我真係好開心！我最耍家就係喺月球上面漫步！不過最近我偶像離開咗，我真係好傷心，好彩仲有『天使BB』安慰我！」

J.笑面阿哥

「我係跳舞出身，無論跳勁舞抑或拉丁舞，我都應付得綽綽有餘，仲有我份人好鍾意笑(口架)！人哋畀面咪叫我一聲『阿哥』囉！」

答 案

A 張敬軒

B 洪卓立

C 周杰倫

D 周渝民

E 張繼聰

F 鄭元暢

G 王力宏

H 王友良

I 陳偉霆

J 謝天華