前晚何超蓮與孖生弟弟猷啟以粉紅色公主王子造型現身，在君悅酒店筵開13席，與家人及60位同學慶祝「成年」生日會，四太子女猷君、猷亨、超盈及超欣亦有到賀哥哥姐姐的成人禮，更請來容祖兒及泳兒擔任嘉賓助興。現場用氣球布置，入口處有用氣球砌成的雪糕，充滿童真！

何鴻燊率三太（左二）、超雲（右二）、「壽星仔女」超蓮及猷啟祝酒。

超蓮與猷啟齊齊切巨型蛋糕。

三太訓話唔准夜蒲

以慈父自居的賭王何鴻燊在台上多謝賓客來臨，接着三太陳婉珍與超雲陪着「壽星仔女」超蓮及猷啟上台祝酒，其後超蓮與猷啟切了有「18」字樣的巨型蛋糕。

超蓮親自送嘉賓祖兒（左）離去。

猷君（右）、猷亨及超欣出席哥哥姐姐的生日宴。

生日宴舉行期間，超蓮與猷啟送一名外籍同學離場及接受訪問。問到有何生日願望？超蓮滿足地說︰「今日有呢個Party好開心。（父母送咩？）送咗呢個Party同兩層樓。」問到是否與弟弟一人一層？她輕描淡寫地說︰「每人兩層。（喺邊？）我唔知，淨係叫我簽名。」她表示賓客中有6位同學專程來港到賀，但不肯透露是否由她包食宿，她又透露母親給她生日訓話︰「爸爸冇訓話，媽咪就有，叫我唔好出街出咁夜，其實我係五月生日，不過因為嗰時要考入大學試，所以依家先搞。」

何鴻燊望子女開心

賭王離開時揚言要讓女兒過快樂的18歲︰「18歲女等佢哋開心。（訓示個女？）人哋嚴父慈母，我就剛剛相反，佢阿媽管到實一實，咩都話No，我就咩都話OK。」