趙碩之（Wylie）和師妹尹蓁晞（Yumi）昨日出席新太陽廣場舉行的《新地稀世珍藏爬蟲展》活動時，提到日前趙碩之曾批評周秀娜的寫真「刷牙滴牙膏」意識不良，日前周秀娜反擊指寫真集不是教科書，昨日Wylie繼續寸爆：「係人都知佢本寫真唔係教科書，但作為公眾人物睇事應該全面啲，我唔覺得佢嗰啲係健康性感，如果啲小朋友問起會有尷尬位。（Chrissie指你低胸切魚生博宣傳？）我切魚生唔會咇啲魚汁落個胸囉！」而一向與Wylie傳不和的Yumi，竟一同插Chrissie，她說：「會令人諗歪咗，聯想到日本色情文化！」碩之接着說：「可能呢個就係佢本寫真嘅賣點！」