21/07/2009

播放本新聞相關短片

激凸盧海鵬扮Chrissie剝衫

向來愛扮鬼扮馬的盧海鵬,亦食住近期(口靚)模熱潮,在亞視節目《香港亂噏》中分別以純情女學生及搞笑版三點式造型,挑戰周秀娜(Chrissie)當街剝衫的精彩招牌動作。為了令造型更維妙維肖,鵬哥化妝時十分認真,無論對眉毛粗幼度、髮型、化妝、衣着,以至胸前的陰影都執得一絲不苟。

雖然鵬哥之前並不知道Chrissie是誰,但當他看過對方的廣告後,便能立刻掌握她的眼神及走路時的婀娜姿態。其中一幕鵬哥模仿Chrissie當街換衫的情節,由於衣服太緊,鵬哥幾經辛苦才成功將衣服除下,令在場工作人員捧腹,加上鵬哥肚腩激凸,比起Chrissie的32D驕人上圍絕對更有睇頭。問到對Chrissie的印象,鵬哥笑說:「我都係第一次睇佢啲作品,雖然佢唔可以稱得上好靚,但絕對唔醜囉!」