梁詠琪 （GiGi）由廣州飛車返港為無綫錄影節目，她否認結婚傳聞，但透露男友曾提過結婚，身為藝人的她表示，有很多事情都要想清楚：「呢啲嘢冇得計劃，總之唔好太老生仔囉！我驚辛苦。（羨慕Kelly？）羨慕！但每個人嘅人生計劃唔同。（生咗仔先結婚？）唔會！嚇死人咩！我會按部就班！」她又表示與法國男友發展不錯，但因文化不同還要再度觀察：「佢梗係冇所謂啦！又唔係呢行，但我唔想太草率，呢啲嘢冇得返轉頭！」
而節目中，泳兒即場示範廚藝，不懂下廚的她表示只會做助手：「我都好期待上《美女廚房》，我都算係地獄廚神！」另外，徐淑敏早前與友人到新加坡旅行，酒店玻璃門突然爆裂，幸好沒受傷。問到有沒有艷遇，她說：「冇！師傅話我氣色好，生日前會有姻緣！（翻兜之前男友？）從來唔翻兜，有聯絡不過好少見面！」