對於何韻詩坦白承認是同性戀者身份，向來與阿詩私交甚篤的黃偉文（Wyman）坦言，無論如何都很愛對方，問到會否覺得阿詩好勇，Wyman說：「我要睇吓個情況佢係點答先，太詳細真係唔識答，總之作為好朋友，喺任何情況下都係愛佢，愛埋佢身邊嗰個！」
早前公開同性戀傾向的林一峰說：「只係答兩個字，Why Not？」至於曾與阿詩傳緋聞的劉浩龍（師兄）認為對方只是開玩笑，問到阿詩是否真的同性戀者時，師兄直言很難代對方回答：「總之佢係我嘅女仔朋友，由佢自己答番啦！（好勇敢？）佢有冇話自己勇吖？（支持佢？）佢係乜都支持，佢咁大個女鍾意乜都好！」
