全世界都認為Miyoko拚命靠身材上位，怎料她義正詞嚴地說：「其實一開始，我完全冇Pround of自己嘅身材，當初只係想做Part Time Model，搵多啲錢，因為我嗰時嘅正職係產品設計師，人工唔高，所以想賺外快，完全冇諗過要入行，更加冇諗過要上位！」

Miyoko出名後壓力愈來愈大，但未有後悔入行。	坦言為賺外快而入行的Miyoko，希望有機會在樂壇發展。	放大圖片

後來漸漸為人認識，但焦點只放在其E Cup身材上，Miyoko開始感到前所未有的壓力：「當時未有『（口靚）模』呢個Term，唔知Model同藝人嘅圈子咁近，亦冇諗過會涉及私人生活，愈做得耐就愈覺得代價好大，仲諗過放棄！不過我又會諗，既然一開始揀咗就唔好後悔，依家我習慣晒，好多是非都可以淡然面對，而且判斷力同辨別是非能力都好咗，都算係有得益！」

努力自我增值

「（口靚）模潮」最近備受圈中人抨擊，Miyoko坦言希望早日除名：「市場有Demand（求）就有Supply（供），所以唔好理人講咁多，做好自己先囉！（介意人哋認定你係（口靚）模？）介意㗎！不過我又的確係，惟有學多啲嘢增值，等自己可以快啲洗去呢個名啦！」她對未來的發展亦充滿憧憬：「我對唱歌幾有興趣，以前唱開Musical（音樂劇），而且上次喺寫真簽名會度好認真咁唱，反應唔錯，所以希望喺唱歌方面發展。」

與Lavina撈亂骨頭

聯手玩杯葛

傳拍攝網劇《夏之盛放》期間，不滿Lavina博出位，聯同椋名凜杯葛她。

被嘲有臭狐

被Lavina與Rainbow暗寸有體臭，Miyoko澄清時自言衞生很好，絕對不是「小狐仙」。

出言反擊Freeze

Freeze早前批評（口靚）模矮及露肉，Miyoko即時反擊：「佢哋有韻味，我好少睇佢哋，佢哋跳舞OK，係第一隊打正旗號賣性感嘅組合，而我哋只係外界標榜性感。」

Profile

姓名：劉欣宜（Miyoko）

年齡：20

三圍：34E、25、35

身高：167cm

體重：45kg

入行經過：

17歲開始做兼職模特兒，06至08年參加電子遊戲展暨動漫節，扮演「Bandai遊戲女郎」獲勝，其後與李曼筠等任《Sony高清寶寶》代言人。