文：影視組

阿嬌被昆蟲苦纏，幸得賈樟柯出手相救。	阿嬌見昆蟲（紅圈示）在腳邊徘徊，即時以手護胸及提起玉腿。	內地新人鞏新亮以低胸裝大騷天賦本錢。

鍾欣桐（阿嬌）前晚應邀出席在廣州舉行的《時尚星光榜頒獎典禮》，露出香肩的她狀態大勇，而且打了Botox的小腿亦相當纖幼！其他出席的藝人包括吳佩慈、呂良偉、翁虹及內地新人鞏新亮及導演賈樟柯等，鞏新亮更以Tube Dress大騷「Big」爆身材搶「峰」頭。至於露出香肩的阿嬌在室外睇時裝騷期間，更吸引昆蟲在腳邊徘徊，雖然她沒有被昆蟲嚇得大叫，但亦提起雙腳避蟲，而身旁的賈樟柯即以紙巾捉蟲兼護花，阿嬌事後受訪時坦言不太害怕昆蟲。

而當晚獲頒「時尚星光榜香港地區最佳時尚藝人」獎的阿嬌說：「我鍾意攞時尚獎項，好鍾意潮流嘢，得到肯定好開心！」問到會否為慈善影性感相？阿嬌笑說：「慈善應該唔會性感啩？可能到四十歲先啦，佢哋都應該搵啲發育健全啲嘅影！」

聞陳冠希冇反應

對於陸永於Talk show中再以「床照事件」為題，阿嬌表示不作回應，問到知不知道陳冠希返港？她說：「唔知！佢好似係睇Show嘛！其實真係唔關我事！」而其緋聞男友麥浚龍早前曾出表示不覺得陸永的Talk Show好笑，阿嬌聞言後反問記者是否覺得好笑。至於同場的吳佩慈坦言對男友Peter發出聲明澄清她非第三者大表感動，問到會否結婚？她笑說：「等我搵夠錢先！」