鍾舒漫（Sherman）、陳柏宇（Jason）及扈佳榮前晚出席《青春無毒宣言》，Sherman呼籲切勿因一時好奇吸毒：「上咗癮好難戒得甩！我聽過有啲音樂人為咗搵靈感而吸毒，覺得好Relax，我寧願返屋企彈吓琴！我覺得家庭背景都好影響，屋企人都要教下一代！」Jason坦言在加拿大讀書時曾被朋友誘吸毒：「我讀社工嗰陣，知道年輕人吸毒唔係因為唔開心，而係好奇，我覺得如果懲罰重啲，更加有實際作用！」