早前成龍與荷里活巨星韋史密夫在北京合作拍攝新片《功夫夢》，日前成龍在其官方網頁上寫Blog大讚飾演他徒弟的韋史密夫兒子積登，指他對武術相當投入，將其兒子房祖名比下去。他表示上月專程到洛杉磯探訪正在接受武術訓練的積登，更大讚現年11歲的他好學，就連他在成名作《醉拳》中施展的醉拳亦已學懂：「積登簡直令我個仔（祖名）蒙羞！我試過搵一個全球最好嘅武術家嚟教阿仔，但佢竟然學都唔學！而積登只係用咗兩個月就學咗好多！佢絕對係一個真正有才華嘅男仔！」成龍亦相信積登能在《功》片中可展所長。
此外，大哥更透露曾提議韋史密夫讓兒子到中國習武數年，更相信若積登能在中國習武的話必定能成大器！他亦大讚積登有禮貌：「當佢口渴嗰陣，佢會用拱手作揖嘅中國傳統手勢，然後鞠躬詢問導師。」