前晚陳偉霆（William）到旺角唱片舖宣傳新碟《Warrior戰士》，大批Fans到場支持及大手入貨。席間William表示最近忙得不可開交，更因檔期表爆滿導致脾氣暴躁，問到有否向好友發脾氣，William說：「冇呀！見都見唔到！（好友投訴？）投訴唔到，我影印份期表畀佢哋，叫佢哋攝到就攝囉！」他又坦言未能抽空到書展支持緋聞女友楊穎（Angelababy）的寫真集，但會自掏腰包買書及叫Baby支持新碟，問到會否擔心(o靚)模始祖Baby遇到反(o靚)模人士，William與Baby口徑一致：「佢唔係(o靚)模，我哋朋友之間都叫佢做『潮模』！（你幫佢改？）唔係，我一齊叫啫！（夾口供？）唔係！我哋叫佢潮模叫咗好耐！」