今年22歲的陳麗玲（Norain），早前和周秀娜出席X Box活動時，以小背心趴床的誘惑甫士，大展其天賦的33D驕人身材，加上樣子甜美，尤其跟賭王何鴻燊三太的千金何超蓮極為酷似，即時成為龍友界的新寵兒，並獲「D Cup超蓮」美譽。
陳麗玲（Norain）說：「以前肥啲有人話我似徐子淇，依家就有人話我似何超蓮同謝安琪。我覺得似邊個都冇所謂，因為佢哋全部都係靚女。超蓮好有氣質，笑起上嚟成個甜姐兒咁，我都係好樂觀嘅人，有咩唔開心，瞓一覺就咩都唔記得！」
泳衣上陣開竅
「D Cup超蓮」Norain一名也是因其開朗性格而來，她說：「Norain，意思係No Rain，無風無雨，永遠晴朗咁解。」難怪Norain在拍攝當天，即使被蚊叮得至少有二十個紅印，又痕又癢也照樣哈哈笑，毫無怨言！
踏入模界半年的Norain直言從沒想過行性感，直至有次到外地工作，要以泳衣上陣才開竅！她說：「總之Outdoor性感着泳衣就冇所謂，因為感覺健康，但室內就唔係好得，感覺好怪。我知道人哋可能只會注意身材，但我唔介意，唔係刻意賣弄就得。」
自從與34D的周秀娜同場較量後，Norain不諱言自此多了一班龍友Fans，而且更被跟蹤。她說：「我做完活動，有個龍友就開始跟住我，去到邊跟到邊，後來合照時，佢無端端攬住我條腰，真係嚇親。」
踏模界受情傷
青春靚女，定必多人追，不過Norain提起感情，即不期然有點神傷，原來她剛和男友分手。她說：「我十八歲同佢拍拖，拍咗四年半，因為佢喺澳洲，大家要維持感情真係好難，加上佢唔鍾意我做呢行，所以分手。」現在日夜為Norain療情傷的，就是她的小狗，她說：「每次幾唔開心都好，一見到隻狗仔，真係乜都開心番。」