自反（口靚）模熱潮席捲娛樂圈後，擁有34E魔鬼身材的Lavina（鍾蕙芝）頓成網民攻擊對象。昨日Lavina與師妹Rainbow（胡心諾）無懼三號颱風威脅，手持寫真集與十名Fans踩入銅鑼灣測試人氣。經過約一小時的街頭問卷調查後，大部分市民對兩人均表支持，情侶Arthur及Christina則指周秀娜（Chrissie）與Kama比Lavina的形象更負面：「我覺得周秀娜求其喺廁所度影寫真，刷牙刷到漏晒嘢，又着比堅尼過馬路，意識好不良！Kama半裸沖涼都好有問題！不過我哋都唔贊成啲人反嫩模，其實日本都好多水着模，只係啲人眼紅嫩模咁嘅年紀都可以搵到咁多錢啫！」

放大圖片	自稱在荷里活任電影製作的Jerry，對Lavina與Rainbow（右）感興趣。	貪靚的Lavina喊完一輪亦不忘補妝。

獲讚可造之材

其中一位自稱在荷里活從事電影製作的Jerry，雖然不認識她們，但大讚是可造之材：「Rainbow一睇落去就似做Model，Lavina望落去似女強人，我唔覺得佢哋本寫真賣弄性感，反而好健康、好Sweet同好有活力！」至於小K則表示對Lavina不反感，但認為其寫真集中某些甫士有點過火：「呢張瞓喺床度影嘅相，有啲過火咗，係甫士嘅問題，下次唔好喇！」

Fans拿着「性感無罪」的紙牌支持。	Rainbow（左）與Lavina手持寫真集直踩銅鑼灣測試人氣，獲市民小K力撐。	情侶Arthur及Christina指周秀娜與Kama的形象更負面。

原本對受歡迎程度極為質疑的Lavina，眼見市民反應如此正面，一度激動落淚！連日來備受抨擊的她直認感到很委屈，更坦言曾有退出娛樂圈的衝動：「我都係想賺錢養家啫！唔明啲人點解要咁講我，有時真係諗不如退出，做番個普通OL算，我試過忍唔住上網睇網民啲Comment，次次都好唔開心，點解啲人要咁講我？又話我冇家人，又話我冇家教，我絕對有家教！我唔係做啲咩不道德交易！我接Job從來都唔會理使唔使行性感，因為我想專業，人哋叫我做乜我都會盡力去做！」

唔怕被指做媒

她笑言見到市民如此支持後，頓時放下心頭大石：「好開心啲人咁支持，我之前仲擔心畀人鬧，今次係名副其實嘅街頭測試，我知唔鍾意我嘅人一定又話我做媒，但我知唔係就得，我以後會繼續努力！」另外，對於近日網絡流傳大批Lavina的合成裸照，經理人Admond說：「好無奈！但好肯定啲相一定係假囉！」

另外，昨晚剛巧黃秋生與太太Shopping路過，問到對（口靚）模的睇法，他笑說：「着到咁梗有人望啦！」