趙碩之日前批評周秀娜的「刷牙」寫真照教壞細路，昨日周秀娜隔空反擊，句句有骨說：「今次影寫真係作為留念，等第日可以睇番，只係想啲相靚。同埋呢本係寫真集，唔係教科書，唔會教識人哋食雪糕同刷牙！」
至於連日寸盡（口靚）模的趙碩之，前晚與師妹尹蓁晞（Yumi）行騷時，連公司也不放過！對於Yumi的露點照流出，她竟暗示「源頭」是公司：「我覺得（口靚）模已經變質，有時啲相太性感，Over咗。（邊個Over？）好似Yumi同Melody，為咗宣傳，公司攞啲相出嚟！（佢哋唔開心？）我諗一定有少少委屈，我好心痛。」在旁的經理人即出言糾正：「真係外洩！」自知失言的趙碩之即時補鑊說：「唔好意思，係誤會，係我搞錯咗。（書展捧Yumi場？）睇公司安排，或者當日有好多嘢做。（買佢本書？）唔買，會問公司攞。」