張家輝、莫小奇及梁進龍等前晚在旺角拍攝王晶新片《旺角監獄》，片中飾演精神分裂症患者的家輝，不但打破「攞完影帝衰三年」的宿命，除片約不絕外，更艷福不淺，得莫小奇主動投懷送抱，戲中兩人更有床戲。

放大圖片	張家輝現身旺角拍戲，吸引途人圍觀，有的更走出馬路，險象環生。

遊旺角感新鮮

出名「愛妻號」的家輝為了搵銀，連老婆關詠荷生日亦無暇慶祝，他說：「呢輪因為要開工，所以老婆生日都未有時間同佢慶祝，諗住買份禮物補數啦！搵銀緊要呀！其實我入咗行之後，都好少去旺角，拍呢齣戲可以舊地重遊，感覺旺角都仲係咁熱鬧，呢套戲大部分都喺旺角取景，我有大把時間回味以前蒲旺角嘅歲月。」

而飾演家輝女友的莫小奇，與家輝同樣是影圈大忙人，她說：「我啱啱拍完內地導演王全安嘅文藝電影，之前亦同古天樂合作《意外》（前名：《暗殺》）。今次可以同張家輝做對手戲外，心情好緊張。（戲中演妓女，怕唔怕影響形象？）唔怕，演員要作多啲唔同嘅嘗試。」

文：影視組