鄭嘉穎與王喜昨日出席《烈火雄心3》宣傳，兩人繼續零交流，反觀同場的女演員則樂於大打水戰谷劇，胡杏兒、陳茵媺、麥皓兒及姚子羚等同告濕身，惟麥皓兒最有睇頭，何綺雲則疑因以胸圍當泳衣，要以毛巾遮心口。杏兒解釋為何泳衣內穿：「選美着過，唔可以成日露。（怕反(o靚)模燒埋你嗰疊？）唔係，覺得冇必要啫！」
至於為何不與黃宗澤合照？她說：「唔係一對，唔想混淆，雖然有雜誌將《烈火》結局公開，但大家要繼續追睇。」活動上司儀問王喜：「喺劇入面做乜得罪晒啲人？」王喜煞有介事地說：「問監製，個劇唔係我寫。（係咪真實反映？你難相處？）我唔明你問乜。」活動結束後，王喜更即時走人，公關解釋他要為新劇開工。
