梁朝偉早前為電影《一代宗師》習武時不慎受傷，令左手骨折，經過數天休息後，昨日偉仔到柴灣為雜誌影相，左手纏着紗布的他精神不俗，問到傷勢如何？他說：「OK！（幾時會好番晒？）大約四至六個星期，隻手斷咗骨，連郁都郁唔到，要等啲骨自己生番埋。（太太擔心？）冇乜好擔心。（食止痛藥？）唔會，因為食咗都痛，依家夜晚敷中藥，日頭喺屋企攤抖。（新片因此受阻？）冇得擔心，唔到我去控制。（導演王家衛係咪好體諒？）唔體諒可以點，依家啲骨斷咗，暫時冇得睇醫生，要等啲骨生番埋先可以去照X光。」至於何時再開始練功？他說：「要等好番晒為止。」