近日網民自發組織禁止(o靚)模亮相書展，無綫總經理陳志雲昨午出席公開場合時透露，將會為推出的飲食書於書展舉行座談及簽名會，還揚言要「重整歪風」：「呢樣嘢（指(o靚)模）有咗好耐，其他地方好流行，係依家先吹到嚟香港。我啱啱都有同啲同事講開，錄影咗嘅節目冇辦法啦！接落嚟嘅就唔好，呢種風氣唔值得鼓勵，肉太多喇！」如他所說，無綫將擺明車馬全面封殺(o靚)模！
當記者追問旗下「美味天使」同樣推出性感寫真，陳總即表示她們多是舞蹈藝員出身，且已屬成年，與(o靚)模南轅北轍。由於高層一聲令下，將於下周六舉行的《2009香港先生選舉》原本有意請來一班(o靚)模如E Cup Baby（劉欣宜）、Lavina（鍾蕙芝）與Rainbow（胡心諾）等任嘉賓，但如今亦改變初衷，監製何小慧說：「其實評判卡士都未落實，但公司行政上需要，我哋都會配合嘅，可以邀請多啲其他(o靚)模特兒（當評判）。」
八(o靚)模DaDa獲監製力撐
一班(o靚)模失去亮相電視搶人氣的機會，失望之情不言而喻，E Cup Baby說：「好可惜，感受唔到現場氣氛，但尊重TVB嘅決定。」Rainbow則希望明年十八歲成年後，能再次「捲土重來」。至於A. Lin聞陳總有意封殺(o靚)模，即愕然地說：「吓！咁《美女廚房》咪要腰斬？佢哋仲請我上《美少女廚神爭霸戰》添，『美味天使』又點呢？可能佢（指陳總）唔想風頭火勢火上加油啫！」
不過，在新一輯「四葉草」中，有份參演的「八(o靚)模兵團」之一的DaDa則獲監製錢國偉力撐：「(o靚)模嘅定義係未成年，淨係拋胸賣肉，DaDa喺劇入面個角色有內涵，加上佢成咗年，唔好將佢同人哋混為一談！」
另外，昨日一班「美味天使」為寫真集宣傳，「香蕉」王淑玲否認被公司雪藏及被飛出《美女廚房》：「工作係公司安排，點解咁安排就唔講，(o靚)模時以宣傳寫真集為先，其他工作安排唔使同外界交代。」
文：影視組