鍾蕙芝（Lavina）前晚出席活動，有指她住公屋及靠綜援，她自稱為此事喊過：「我做呢行，唔想涉及屋企人，我屋企唔係富裕，但有衫着、食得飽，屋企人好錫我，係我嘅原動力。攞綜援係過去嘅事，依家我賺到錢已經冇攞，我唔覺冇面！」對於陳樂榣表示因聽聞其態度囂張、賣弄性感及博上位而只識她一位嫩模，Lavina認為是誤會：「應該唔會話我，我做足本分。」陳樂榣則說：「佢要Keep住有嘢做就要進步同收斂，唔好未紅先驕！（搶你生意？）我二千幾蚊工作唔會接，太平佢哋先做到，當跌畀佢哋！其實好支持佢哋性感，唔覺得Cheap，因為我哋都係性感出身，只希望佢哋謙虛啲，少啲是非同認真啦！」
另外，Lavina昨日出席莎莎活動，雖然頻頻接Job，但她稱仍未到六位數字酬勞，又指會向周秀娜的出位甫士學習。