戴夢夢、趙碩之及兩位師妹尹蓁晞（Yumi）及陳若嵐（Melody）將擔任動漫節大使，前晚拍MV時，夢夢指兩位師妹為嫩模的負面新聞不開心：「我話只要有實力就唔怕，佢哋嘅寫真唔係意識不良，唔會畀人話波大冇腦！」去年出寫真的趙碩之則說：「上年競爭正經，今年啲女仔連底褲都見埋！」夢夢隨即寸爆：「好似周秀娜張刷牙相，正常屋企都唔會着咁嘅衫，牙膏仲要咁滴法？有啲意識不良！」趙亦插嘴說：「五歲都識刷牙啦！教壞細路。」又指八模所影的只是眼神及甫士不健康。而Yumi及Melody坦言公司已請多了保安，陪同到書展，又表示不會低胸上陣。
被寸爆的周秀娜昨日出席美甲活動時勁遲一小時，連解釋都沒有。她自言清楚現在所做的事，不會後悔。問到照片被指意淫，她解釋甫士是自發性，即被窒是否平日食雪糕亦滴晒落胸，她呆在當場語塞，隔一會才說：「寫真宣傳性感係事實，視乎大家點睇！」