梁漢文（Edmond）昨日接受電台訪問，提到他為《美女廚房》錄影，Edmond大爆早前接受身體檢查時證實患上胃炎，要服食一個月抗生素才可康復，更因而變得「激瘦」：「我都以為唔關錄影事，不過後尾監製話我知，有個16歲嘅小朋友，試食完椋名凜嘅麵之後，入咗深切治療部（ICU）瞓咗兩晚，都咪話唔驚。」
監製錢國偉在電話訪問中說：「呢個係事實，佢當晚要入深切治療部，不過好快就出番嚟，因為佢自願去食，所以冇得追究無綫。」另外，譚詠麟昨日接受電台訪問時表示，腳傷毋須接受手術，但醫生建議他多做運動以防肌肉萎縮。
