於美國時間前日凌晨12時開畫的《哈》片，勁收2,220萬美元（約1億7,320萬港元），成為史上最高午夜場票房電影，打破《蝙蝠俠－黑夜之神》紀錄。香港前日開畫首日則收約450萬港元，成為香港史上最高非假日開畫票房電影。日本前日開畫約收2,750萬港元，打破周三開畫票房紀錄。

爆羅林隊到面青

《哈》片監製大衞昨日接受本報獨家電話專訪時，為票房破紀錄感到高興，他說：「呢個只係一個開始。」大衞憶述首次與原著作者羅林見面是在倫敦一個出版派對，翌日他們相約到海鮮餐廳吃午餐時，大衞懷疑羅林前一晚喝得太多酒，整張臉幾乎是青色：「佢當時最唔想食嘅就係魚！我哋嚟自同一代，都鍾意聽約翰連儂，佢係個好好嘅合作夥伴。」

對於「哈利仔」丹尼爾烈格夫、「妙麗」愛瑪沃森及「榮恩」路拔格連等童星長大後也沒有行差踏錯，大衞解釋：「佢哋嚟自好好嘅家庭，受到父母保護。我哋台前幕後都好團結，冇人搞鬼搗亂，對傳媒嚟講可以話係沉悶地有效率！」他透露丹尼爾有興趣朝導演方面發展，愛瑪則會入讀美國布朗大學，更睇好飾演Neville Longbottom的Mathew Lewis，又大讚飾演暗戀妙麗的新人Freddie Stroma既靚仔又有才華。

戥羅拔走紅幸運

對於曾在《哈》片演出的羅拔柏迪臣憑《吸血新世紀》走紅，大衞說：「佢好幸運，搵到適合自己嘅角色。我當年選擇買小說版權，結果冇睇錯，都好幸運。」他透露完成《哈》片後，計劃將小說《Curious Incident of the Dog in the Night-time》與《Paddington Bear》改編成電影。