17/07/2009

播放本新聞相關短片

Yumiko比堅尼暢泳泰過癮

本文重點
新一代性感舞后鄭希怡最愛陽光與海灘,故一有假期便到充滿夏日氣息的地方,盡情吃喝玩樂大解放!她更不介意以泳裝示人,展示骨感勻稱的美好身段!

近年經常中港兩邊飛的鄭希怡(Yumiko),原來每年至少抽空去一次旅行,大多選擇充滿陽光與海灘的旅遊勝地充電。談到快樂時刻,Yumiko表示最難忘是到泰國與關島旅遊:「香港真係太多人,覺得好似好大壓力,基本上每年都會去一次旅行,最鍾意去泰國同關島,可以玩得好開心、好解放。」她透露每次均拋下歌手身份,公開穿着比堅尼享受日光浴:「着比堅尼好正常,而且游水係健康活動。(身材好?)唔覺,亦唔會Proud of(驕傲),幾有骨感美!(裸曬?)咁又未必夠膽,沙灘就肯定唔會。」

望去意國識靚仔

Yumiko表示會坐快艇及潛水,箇中的刺激難以形容:「我記得第一次潛水真係好驚!要顧住呼吸速度,但耳仔又好痛,要慢慢克服先享受到潛水嘅樂趣,玩完之後真係上癮。(一個人去旅行?)都試過呀!一個人去布吉玩都唔驚喎!感覺都唔錯。」她還表示希望有機會到西班牙及意大利旅行:「因為呢兩個國家嘅景色同建築物都好靚,而且仲有好多靚仔!」

文:專案組