房祖名早前於內地飛來飛去，拍攝分別由吳鎮宇及馬楚成執導的《追影》及《花木蘭》。他於《花》片內跟趙薇及陳坤合作，飾演趙薇「好兄弟」費小虎的他，跟趙薇有不少對手戲，導演馬楚成大讚房祖名沒有怯場：「佢做得好好喎！完全冇怯場，祖名用咗一種好放鬆嘅方法去演繹佢嘅角色，感覺好自然！同一啲鍾意鑽研演技嘅人一齊做戲，有一個好大嘅對比，出嚟嘅效果好好！」

祖名為拍新片慘變豬頭，血流披面。	祖名連接兩部古裝電影，中港兩邊走。	祖名（左一）與趙薇齊齊為馬楚成（右二）慶祝生日。

祖名於戲中要跟趙薇馳騁沙場，更不乏一些被打到如「豬頭」般的劇情，導演踢爆祖名以私房「秘方」令自己口腫面腫以配合劇情需要，而這個「秘方」就是在拍攝前一晚灌大量開水，就算翌日不用化妝亦能口腫面腫，認真用心良苦！

揮低韓庚奪角色

據知祖名飾演的角色曾屬意Super Junior的韓庚，惟導演最終覺得祖名較適合，故便決定起用。至於祖名剛接到劇本時，亦曾擔心角色太複雜而未能勝任，但最後在父母鼓勵下，決心接受挑戰，導演亦因此對祖名父母大表感激。此外，拍攝《花》片期間，適逢導演生日，祖名、趙薇及台前幕後工作人員齊齊在拍攝場地為他慶祝，問到有甚麼生日願望時？馬楚成笑說：「希望人人身體健康，豐衣足食！」

文：影視組