自小聽MJ歌曲長大的麻衣，對偶像上月底猝逝十分悲痛，她說：「MJ對我影響好大，我13歲第一次聽MJ嘅歌，因為聽咗《Thriller》至萌生當歌手嘅念頭，所以得知佢死訊嗰陣，我好震驚同難以置信。」麻衣說時面露沉痛之色，並續說：「我啲眼淚水係咁流，但係要繼續個唱嘅綵排工作，冇辦法唔忍住傷痛！」

麻衣日前來港，既與香港Fans近距離接觸，亦喜與容祖兒碰頭。 資料圖片	放大圖片	麻衣難忘偶像MJ生前的精湛演出。

現時心情已平復的麻衣，正全力為香港個唱做準備及宣傳新碟《Beautiful》，適逢她入行十周年，將推出紀念大碟，11月21日亦會在港舉行個唱，今次更身兼太陽計劃大使，鼓勵本地年輕人戰勝流感之餘，亦身體力行呼籲他們為環保出力，希望大家日常調高冷氣溫度、購物時拒用膠袋等。

至愛食雲吞

相隔半年再訪港的麻衣，因工作排得密麻麻而未能品嘗最鍾情的雲吞，饞嘴的她說：「細個嗰陣嚟過香港旅遊，雲吞嘅味道一試難忘！我仲好鍾情食台灣天使蛋糕，聽講香港有魔鬼蛋糕，我都好想試吓！」她愈說愈興奮，食指大動地說：「我好鍾意甜食，好想食一個特大蛋糕！如果有悠長假期，我好想去世界各地吸收文化，好似法國咁，或者去世界遺產加拉巴戈斯群島，睇吓海龜呢啲咁珍貴嘅動物。」當問到是否與男友同行，麻衣立即澄清仍是單身：「當然識男友係幸福嘅事，但一切隨緣，現階段我只會專注音樂。」又透露理想對象最重要是能夠接受她，而且是個努力及愛家的人。

文：余兆欣

攝：沈健程