胡心諾算是(o靚)模中最多緋聞的一位，由參加美少女廚神爆出，到被方力申力溝，再到最近與經理人拍拖，不過她堅稱大半年沒有拍拖：「依家我感情處於空白階段，其實咁都好，可以全力做好啲事業。」

現年17歲的Rainbow坦言拍過三次拖，談到喜歡男仔的類型，她說：「其實都冇乜特別，都係高過我，五官端正，有成熟思想咁啦！最好就個人忽冷忽熱，因為我唔鍾意人太死心塌地，患得患失咁會更加刺激！」Rainbow更表明不會拒絕電車男追求，還笑言大家可以在拍拖時互相增進電腦知識。

最憎男人冇責任感

揚言現階段唔恨拍拖的Rainbow，提到以往最難忘的一段情算是初戀，拍拖四日，對方即人間蒸發，她說：「突然間手機停咗，連MSN都刪除埋，我完全搵唔到佢，最初係擔心，之後覺得都幾嬲佢，無論咩事都好，發生問題要溝通，就算係想分手都要講聲。」受到初戀陰影，Rainbow堅持不肯再接受不肯面對問題兼沒有責任感的軟弱男仔。

場地：Beauty Forever

文：影視組

攝：李柏儒