詩雅出道短短日子，憑她的可愛樣貌吸引不少歌迷，更獲得青睞參與電影《很想和你在一起》演出，不過原來Michelle的性格非常男仔頭，愛好戶外活動的她曾經當過救生員，她說：「當年會考等放榜嘅日子好無聊，所以就喺一個私人會所兼職做救生員，當年嘅時薪有五、六十蚊，我做咗兩個月左右！」

泳術精湛的詩雅，讀書時代曾當救生員。

詩雅在電影《很想和你在一起》中，與洪卓立有不少對手戲。

自小跟父親習泳

Michelle透露小時候父親擁有一架小遊艇，經常跟父親出海的她，練得一身精湛泳術，當救生員期間，Michelle試過被小朋友力邀「伴游」，令她哭笑不得：「有次我如常當值，有幾個小朋友突然行埋我身邊問我：『姐姐，可唔可以陪我哋一齊游水呀？』搞到我都唔知點答，不過因為做緊嘢，所以拒絕咗佢哋！」除了有「艷遇」，Michelle因饞嘴而險些被炒魷魚，她說：「記得當日我開咗泳池底啲機器清洗泳池，跟住去咗附近BBQ又唔記得閂番個掣，搞到爭啲水浸，好彩最後返得切去閂掣，唔係實畀人炒魷魚！」

文：音樂組